Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Xoves 26 de Abril de 2018

Programas > A Base do Deporte

Información do programa Novas do programa

A ourensá Lorena Luaces bate o récord galego absoluto de marcha en ruta

Deportes 02/02/2009
 9 comentario/s - Envía a túa opinión

Esta fin de semana celebrouse no circuíto dos Cantóns da Coruña o Campionato Galego de Marcha en Ruta. O tempo, un pouco desapacible, non impediu que a atleta ourensá Lorena Luaces batese o récord na categoría absoluta, que desde hai 11 anos posuía Laura Ferreiro. A deportista do Ourense Academia Postal percorreu 10 quilómetros nun crono de 47.11, superando a marca anterior de 47.38 que databa de 1998. Agora xa pensa no Campionato de España que se celebrará nun mes. Esta atleta centrou o programa A BASE DO DEPORTE emitido o 02 de febreiro de 2009.


O Tai Chi, un deporte apto para todas as idades, que proporciona equilibrio corporal e mental

Deportes 30/01/2009
  Envía a túa opinión

Naceu como unha técnica de defensa ante o adversario, pero hoxe utilízase para loitar contra as enfermidades. Falamos do Tai Chi, unha antiga arte marcial chinesa, actualmente reconvertida nunha especie de ximnasia para todos os públicos. Son moitos os beneficios na saúde que se lle atribúen. Citan entre os seus efectos positivos a mellora da circulación, hixiene cardiovascular, respiración, flexibilidade ou equilibrio. Este deporte centrou o programa A BASE DO DEPORTE emitido o 30 de xaneiro de 2009.


Deporte e posta en escena chegan a Galicia de man dos \\

Deportes 29/01/2009
  Envía a túa opinión

Unha mestura entre un acontecemento deportivo e un teatro sobre rodas. Así poderiamos definir unha nova modalidade da patinaxe artística que está a gañar adeptos na nosa terra, os grupos de show. A esencia dos grupos de show atópase reflectida no propio nome da modalidade. En primeiro lugar, trátase dunha formación de, cando menos, seis patinadores. E, en segundo lugar, non conta con ningún elemento obrigatorio porque se trata dun espectáculo. Os deportistas deben desenvolver sobre a pista unha idea, apoiándose en aspectos como a técnica, a coreografía ou o vestiario, e tentar transmitir unha mensaxe ou unha emoción. Esta disciplina centrou o programa A BASE DO DEPORTE emitido o 29 de xaneiro de 2009.


Fran Gómez Pallas volve a Galicia despois de chegar, por terceiro ano, á meta do Dakar

Deportes 28/01/2009
  Envía a túa opinión

O piloto carballés, Fran Gómez Pallas, xa está de volta na casa despois de participar no seu sexto Dakar. Volve co principal reto cumprido, rematar as 14 etapas e chegar á meta, Bos Aires, no primeiro Dakar celebrado fóra de terreo africano. Non obstante, conseguir este obxectivo non foi nada fácil para o galego, quen na quinta etapa sufriu unha fractura no pulso esquerdo o que lle fixo perder posicións. O piloto centrou o programa A BASE DO DEPORTE emitido o 28 de xaneiro de 2009.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros