Envía a túa opinión
Un total de vinte nenos e nenas de entre 6 e 16 anos participan dende o luns 23 na segunda edición do campus de baloncesto “Chiquibasquet”, dirixido polo adestrador ferrolán Chiqui Barros e que conta coa colaboración do Concello de Ares. A actividade deportiva está a desenvolverse no pavillón municipal de Ares e ao longo destes días os rapaces e rapaces recibirán formación individual de baloncesto, ao tempo que se levan a cabo xogos e competicións grupais. Así mesmo, están a acudir diferentes convidados, entre os que se atopan adestradores e xogadores/as do Club Baloncesto Ferrol e do Universitario.
Envía a túa opinión
O xogador Javi Eume será novo futbolista do Eume Deportivo de Primeira Autonómica. Javi incorporase ao equipo que entrena o adestrador mugardés Juan Fernández. Javi Eume fixo a pretemporada co Narón Balompé baixo as ordes de Stili. Segundo informa a páxina web do Narón Balompé o xogador Alvaro Cao De la Encina, máis coñecido por “Troncho” incorporase ao primeiro plantel do club de Piñeiros. O xogador convenceu ao corpo técnico que dirixe Stili.
Envía a túa opinión
Onte comezou no areal de Pantín no Concello de Valdoviño, o evento de surf máis importante de España e o terceiro de Europa. O Pantín Classic vai xa pola súa vixésimo terceira edición e grazas ao apoio de Movistar e Billabong destinará 145.000 dólares en premios. Con seis estrelas o Pantín congregará en Valdoviño e Ferrol aos mellores surfistas do mundo. Cory López, Heitor Alvarez, Alejo Muñiz, Gony Zubizarreta, Miky Pikon, Patrick Beven son algúns dos favoritos do Pantín 2010. En femias estarán Sofia Mularovich, duas veces campiona do mundo, asi como Rally Fitzggibons. Invitados pola organización estarán Yolanda Rodríguez, unha ferrolá de só 13 anos así como o mítico Tom Curren, Pablo Montero ou Marcos Sansegundo. Arredor das nove da mañá comezaron as series da fase eliminatoria.
Envía a túa opinión
O venres comezará no campo municipal de “Os Prados Vellos” en Ares o tradicional trofeo “Picas” que organiza este centro hosteleiro aresano e a SDR Numancia de Ares. O primeiro partido que se celebrará será o venres ás 18.00 horas e enfrentará ao equipo infantil do Numancia cos infantís do Galicia de Mugardos. O sábado xogarán os cadetes a partir das 11.00 horas, tamén frente ao Mugardos. Ás 17.00 horas tócalle o turno ao equipo da categoría xuvenil Ares-Mugardos e a partir das 19.00 horas xogarán os modestos tanto do Numancia como do Galicia de Mugardos B.
