Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Sábado 23 de Xuño de 2018

Programas > Músicas e Letras

Información do programa Novas do programa

Rastreros, unha conxunción perfecta para o movemento bravú

Cultura 13/02/2011
  Envía a túa opinión

Chantada é o berce de Rastreros, formación que nace no ano 89 trala unión de La Paja Cubana e RNT con Heléctrico na voz, Killo á guitarra, Xullo ao baixo e Richi na batería. O seu son punk axiña evoluciona cara a fusión de rock e folk coa entrada de Óscar á gaita. Así xunto a Yellow Pixoliñas, Herdeiros ou Diplomáticos, Rastreros engordan o movemento bravú. Despois de dous anos de concertos en 1991 gravaron a maqueta Non lle toque-lo rabo á vaca que pensa que é o boi na que incluían 11 temas. Posteriormente, en 1992 o selo de Moaña Can Records edita o EP Perigo! Animais ceibes no que atopamos cortes como “Rozando nos toxos”.


Telephones Rouges, Carrero Bianco e Colectivo Oruga protagonizan a Festa Demoscópica da Coruña

Cultura 10/02/2011
  Envía a túa opinión

As mellores maquetas galegas de 2010, Radiocontrol EP dos grovenses Telephones Rouges e Oferta de Lanzamiento dos ferroláns Carrero Bianco protagonizarán a duodécima edición da Festa Demoscópica da revista gratuíta MondoSonoro en Galicia. Será este sábado, a partir das dez da noite, na recén estreada sala O Túnel, no Coliseum. Como grupo convidado actuará tamén Colectivo Oruga, un dos mellores debuts discográficos do pasado ano grazas a “Too many knobs”. A entrada é de balde, ata completar o aforo, pero debe adquirirse previamente na web de MondoSonoro (www.mondosonoro.com) ou nalgún dos puntos de distribución habituais da publicación indie.


Rosa Cedrón e Cristina Pato levan aos teatros galegos un íntimo “Muller”

Cultura 09/02/2011
  Envía a túa opinión

O Auditorio do Centro Social Novacaixagalicia de Vigo (Teatro García Barbón) e o Teatro Colón da Coruña acollerán mañá xoves e o venres, respectivamente, o directo de Soas, é dicir, Rosa Cedrón á voz e ao violonchelo e Cristina Pato ao piano. “A idea é preservar a esencia do proxecto orixinal”, asegurou en Radiofusión Cristina. Por iso, será un concerto íntimo, no que estarán as dúas en solitario viaxando pola linguaxe particular que podemos escoitar no seu primeiro álbum Muller. Ambas aseguran que serán directos moi especiais, xa que traballan moito coa improvisación e, en palabras de Rosa, “haberá sorpresas porque nos gusta moito dar agasallos ao público”. As actuacións darán comezo ás oito e media da tarde e xa se poden mercar as entradas na billeteira electrónica de Caixa Galicia e en servinova.


Roi Casal saca á venda “Maxicamente vello”, o álbum da súa consagración

Cultura 08/02/2011
  Envía a túa opinión

A revisión musical dun poema de Manuel María, “Maxicamente vello”, serviulle a Roi Casal, ex-arpista de Milladoiro, para dar título ao seu segundo álbum. O tema serve ademais de ponte entre a súa ópera prima, Lendas douradas, e este novo disco, no que a excepción dun par de coplas populares e a adaptación do texto do poeta chairego, todos son temas compostos, arranxados e producidos polo propio Casal. “Lendas douradas contiña bastantes temas que se podían identificar con Milladoiro. En Maxicamente vello hai un maior predomino do meu xeito de ver e interpretar a música. Afrontei o disco con garantías e independencia. É un álbum sen complexos, moderno no que fixen o que me deu a gana e estou moi contento co resultado”, asegurou en Radiofusión o propio Casal. O traballo sae hoxe á venda e en dez días, o 18 de febreiro, comezará a presentarse nunha xira que Roi e a súa banda iniciarán na Sala Capitol de Compostela. Ao día seguinte, o 19, será a quenda do Teatro Rosalía de Castro da Coruña.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -83 -84 -85 -86 -87 -88 -89 -90 -91 -92 -93 -94 -95 -96 -97 -98 -99 -100 -101 -102 -103 -104 -105 -106 -107 -108 -109 -110 -111 -112 -113 -114 -115 -116 -117 -118 -119 -120 -121 -122 -123 -124 -125 -126 -127 -128 -129 -130 -131 -132 -133 -134 -135 -136 -137 -138 -139 -140 -141 -142 -143 -144 -145 -146 -147 -148 -149 -150 -151 -152 -153 -154 -155 -156 -157 -158 -159 -160 -161 -162 -163 -164 -165 -166 -167 -168 -169 -170 -171 -172 -173 -174 -175 -176 -177 -178 -179 -180 -181 -182 -183 -184 -185 -186 -187 -188 -189 -190 -191 -192 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros