Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 17 de Xullo de 2018

Programas > Músicas e Letras

Información do programa Novas do programa

Fotografía do arquivo familiar de Lois Pereiro

Un percorrido sonoro e visual polas vidas de Lorca e Lois Pereiro

Cultura 24/12/2010
  Envía a túa opinión

Ouvirmos vén de ampliar a súa colección de fotobiografías sonoras. A Manuel María, Celso Emilio Ferreiro, Avilés de Taramancos e Álvaro Cunqueiro súmanse agora Federico García Lorca e Lois Pereiro. O gran poeta español do século XX e o homenaxeado do Día das Letras Galegas no 2011 tiveron unha vida breve, faleceron aos 38 anos, pero moi intensa. A Fotobiografía Sonora do escritor monfortino achéganos o seu mundo máis persoal a través das máis de 100 fotografías inéditas do seu álbum familiar. Imaxes que nos presentan o Lois neno, no seu primeiro aniversario, coa familia, nos Escolapios e o Lois adulto, cos amigos, retratado por grandes fotógrafos, en Madrid, Santiago, Berlín ou París. Sucesión de escenas dunha vida a contracorrente, narrada polo seu irmán, o xornalista Xosé Manuel Pereiro. O libro, con prólogo de Manuel Rivas, inclúe dous CD´s, que recollen a voz do propio autor nunha entrevista radiofónica, así como unha selección dos seus poemas musicados. Estes documentos sonoros son analizados e comentados na obra por Lino Braxe e Xurxo Souto.


Xabier Díaz e Guillerme Fernández convídannos a deixarnos arrolar polo seu novo disco

Cultura 22/12/2010
  Envía a túa opinión

Un barco feito cunha casca de noz invítanos a coñecer a sinxeleza e a beleza de Arrolos de Salitre, o novo traballo conxunto de Xabier Díaz e Guillerme Fernández, o quinto do seu selo Música de Salitre. Un disco co que nos convidan a soñar e a durmir a través de nanas tradicionais, procedentes do seu propio cancioneiro, e outras de nova creación. Creado e producido por estes dous membros de Berrogüetto, o álbum conta tamén coa participación de nove voces emerxentes galegas, algunhas delas, segundo confesaron os propios músicos en Radiofusión, “nunca antes se meteran nun estudio de gravación”.


“O soldadiño de chumbo”, unha proposta literaria, audiovisual e interactiva

Cultura 19/12/2010
  Envía a túa opinión

A editorial Galaxia, Continental Producciones e Moonbite Games veñen de unir esforzos para sacar á rúa O soldadiño de chumbo, unha revisión en clave galega do tradicional conto de Andersen, que se presenta dun xeito totalmente diferente a como ata o de agora o coñeciamos, en versión multiformato con aplicación para iPad. O libro, editado como álbum en formato grande e que inaugura a colección Contos de cine de Galaxia, vén acompañado dunha curtametraxe de animación multipremiada ao tempo que se publica nun innovador xeito como conto interactivo para iPad.


Tony Lomba & Elio dos Santos celebran o Nadal en Vigo e A Coruña

Cultura 17/12/2010
  Envía a túa opinión

Os príncipes da música lixeira volven á estrada neste Nadal. Tony Lomba & Elio dos Santos subiranse a partir das dez desta noite ao escenario do Le Club da Coruña e o martes 28 farán o propio na Fábrica de Chocolate de Vigo, en ambas citas a cambio de dez euros. “Hoy es un día especial”, “Bandera, bandera”, “Alfredo Landa” ou “Ese amor de la abuela” soarán xunto aos novos éxitos saídos da imaxinación delirante deste grupo indefinible.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -83 -84 -85 -86 -87 -88 -89 -90 -91 -92 -93 -94 -95 -96 -97 -98 -99 -100 -101 -102 -103 -104 -105 -106 -107 -108 -109 -110 -111 -112 -113 -114 -115 -116 -117 -118 -119 -120 -121 -122 -123 -124 -125 -126 -127 -128 -129 -130 -131 -132 -133 -134 -135 -136 -137 -138 -139 -140 -141 -142 -143 -144 -145 -146 -147 -148 -149 -150 -151 -152 -153 -154 -155 -156 -157 -158 -159 -160 -161 -162 -163 -164 -165 -166 -167 -168 -169 -170 -171 -172 -173 -174 -175 -176 -177 -178 -179 -180 -181 -182 -183 -184 -185 -186 -187 -188 -189 -190 -191 -192 -193 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros