Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 24 de Abril de 2018

Programas > A Base do Deporte

Información do programa Novas do programa

Liga Galega de Traíñas en 2008

O Chapela colócase como líder na primeira proba da Liga Galega de Traíñas

Deportes 17/06/2009
  Envía a túa opinión

A Liga Galega de Traíñas deu comezo esta fin de semana, impoñéndose o Club de Remo Chapela ao Cabo de Cruz por unha diferenza de cinco segundos, por mor dunha espectacular remontada no tramo final. Esteiro foi o escenario elixido para inauguración dunha competición que constará de 16 regatas e rematará o 30 de agosto cunha proba que se celebrará en Vigo. Esta edición da liga conta coa participación de 14 clubs e cada competición dispútase en tres quendas sobre o mesmo percorrido, elaborándose despois a clasificación xeral en base aos tempos acadados. A primeira quenda foi a máis rápida, e iso permitiu que Cabo de Cruz rematara segundo na clasificación xeral. O C.R. Mecos impúxose na segunda quenda, rematando terceiro da xeral a só sete segundos de Chapela. Na terceira carreira impúxose a embarcación do Club Náutico de Vigo colocándose cuarto na clasificación xeral a 15 segundos dos líderes.


Gustavo Nieves

Gustavo Nieves pensa xa no mundial e en Londres 2012 despois de pulverizar o récord europeo en 10.000 metros

Deportes 16/06/2009
  Envía a túa opinión

O corredor galego Gustavo Nieves vén de proclamarse campión de Europa en 5.000 e 10.000 metros durante o Open de Atletismo para Cegos e Deficientes Visuais celebrado en Rodas, Grecia. O atleta do Sociedade Ximnástica de Pontevedra conseguiu ademais a prata en 1.500 e bateu o récord de Europa en 10.000 cunha marca de 31.33.17.

 


Os judokas galegos non perderon as bodas de ouro do judo

A Federación Galega de Judo premia a Sara Álvarez como mellor judoka de 2008 e da historia

Deportes 15/06/2009
  Envía a túa opinión

Mondariz vén de acoller a celebración do 50 aniversario do judo galego. Un evento no que a Federación Galega de Judo aproveitou para entregar os diplomas de cinto de ouro que acreditan aos mellores do ano anterior. A mellor judoka feminina foi, sen dúbida, Sara Álvarez, do Judo Club Lugo, e campioa de Europa Júnior. O cinto de ouro ao mellor judoka masculino foi para Óscar Fernádez do Vieirasa Famu de Vigo e campión de España Absoluto. Carla Mosquera foi considerada Mellor Judoka Promesa tras proclamarse campioa de España Sub-23 e o Mellor Judoka Revelación foi Daniel Maquieira do Club Lobeira de Vilagarcía, campión de España júnior e cadete.

 

 


Iván Brión en plena competición

Iván Brión campión en 10 Km no II Open Comunidad de Madrid

Deportes 12/06/2009
 6 comentario/s - Envía a túa opinión

O nadador galego Iván Brión do Club Natación Ribeira Mar de Couso, actual subcampión de España de augas abertas, vén de gañar a proba dos dez quilómetros do II Open Comunidad de Madrid en categoría absoluta. Nos cinco quilómetros tamén subiu ao podio ao facerse coa terceira praza.

 

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros