Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Mércores 24 de Xaneiro de 2018

Programas > Músicas e Letras

Información do programa Novas do programa

Delorean, La Habitación Roja e Lori Meyers encabezan o I Festival Poio Pop

Cultura 24/06/2010
  Envía a túa opinión

O recinto feiral de Pontevedra acollerá este sábado a primeira edición do Festival Poio Pop. Un proxecto que arrincaba con outro nome o pasado ano, o Ronbla Pop Festival, pero que tras o escaso éxito acadado, neste 2010 aposta por un cambio de imaxe, localización e estilo. O indie pop e a electrónica serán os protagonistas dunha cita que arrincará ás cinco da tarde, que se prolongará ata as seis da mañá, e que estará protagonizada por tres dos máximos expoñentes da música alternativa a nivel estatal: Delorean, La Habitación Roja e Lori Meyers. Xunto a eles tamén actuarán Zenttric, os portugueses X-Wife, Supersubmarina, as bandas galegas Dirty Socks, Drama, Marvel e Pulsa Denura, e o picadiscos da sala Karma, Iván Dj.

 


Berrogüetto levan música, danza e imaxe ás Festas de Ourense

Cultura 22/06/2010
  Envía a túa opinión

Kosmogonías é o quinto traballo de Berrogüetto, unha das bandas de música tradicional galega máis internacionais e en activo desde hai xa 15 anos. O álbum contén 11 temas nos que se combina a composición propia con outras colaboracións, entre as que destaca a do escritor Manuel Rivas, que achega a letra dun poema propio para o tema “Alalá da Noite”. Ademais, Rosa Aneiros contribúe coa composición dun texto definitorio e Olaia Sendón achega unha videocreación que a banda presenta xunto co disco. Berrogüetto soben ás nove desta noite ao escenario do Auditorio Municipal de Ourense. O concerto enmárcase no programa das Festas de Ourense e a entrada custa 10 euros.

 


Edicións do Cumio recupera a cultura do baile en “Zampadanzas do mundo. Danzas á carta”

Cultura 18/06/2010
  Envía a túa opinión

Cun menú de dez coreografías preséntase nas librarías Zampadanzas do mundo. Danzas á carta, un libro-CD publicado por Edicións do Cumio. A obra trasládanos de xeito divertido a historia dun cociñeiro que aprende a bailar viaxando por diferentes países e que nos permite relacionar os sentidos que funcionan ao bailar e ao cociñar. Deste xeito, as súas autoras, Mercedes Prieto e Marta Pereira, ofrécennos como entrantes a Carrasquiña de Galicia e a Danza da Moto de Dinamarca; como pratos principais propóñennos a Ciranda do Brasil, Los Machetes de México, a Hoe Ana das illas Cook, na Polinesia, o Circassian Circle de Irlanda, a Tanko Bushi do Xapón e o Toma lá dá cá de Portugal; e xa como postres a Polca de Ramón de Bélxica e a Danza del Rogle de Cataluña.


O maxistrado da Fonsagrada participará no V Congreso de AGAPEMA

Luís Villares, xuíz: “Unha sanción por desobedecer o decreto do ensino poderíase impugnar por ilegal”

Sociedade 17/06/2010
 6 comentario/s - Envía a túa opinión

“Dou e darei as miñas clases en galego” dicía o texto do alegato asinado por máis de 4.500 profesores de toda Galicia que foi entregado no Rexistro Xeral da Xunta manifestando o seu compromiso de empregar a lingua galega no exercicio da súa docencia malia o que establecese o decreto do plurilingüismo que preparaba a Xunta. Ese decreto é hoxe unha realidade e nel figura, entre outras cuestións, que a materia de Matemáticas impartirase, por decisión do Goberno, en lingua castelá. A Asociación Galega de Profesores de Educación Matemática, AGAPEMA, organiza en Ferrol os días 25 e 26 deste mes o seu V Congreso. Entre as comunicacións previstas para esa cita, figura unha moi acaída para saber o que pode acontecer no vindeiro curso escolar. É a que presentará o xuíz, Luís Villares, baixo o título “Podemos dar as clases en galego?”. En Radiofusiòn explicou que si: “Non habería dificultade ningunha en que ante unha hipotética sanción derivada desa aplicación do regulamento se puidese impugnar a actuación por ilegal e declarala nula completamente”.

1 -2 -3 -4 -5 -6 -7 -8 -9 -10 -11 -12 -13 -14 -15 -16 -17 -18 -19 -20 -21 -22 -23 -24 -25 -26 -27 -28 -29 -30 -31 -32 -33 -34 -35 -36 -37 -38 -39 -40 -41 -42 -43 -44 -45 -46 -47 -48 -49 -50 -51 -52 -53 -54 -55 -56 -57 -58 -59 -60 -61 -62 -63 -64 -65 -66 -67 -68 -69 -70 -71 -72 -73 -74 -75 -76 -77 -78 -79 -80 -81 -82 -83 -84 -85 -86 -87 -88 -89 -90 -91 -92 -93 -94 -95 -96 -97 -98 -99 -100 -101 -102 -103 -104 -105 -106 -107 -108 -109 -110 -111 -112 -113 -114 -115 -116 -117 -118 -119 -120 -121 -122 -123 -124 -125 -126 -127 -128 -129 -130 -131 -132 -133 -134 -135 -136 -137 -138 -139 -140 -141 -142 -143 -144 -145 -146 -147 -148 -149 -150 -151 -152 -153 -154 -155 -156 -157 -158 -159 -160 -161 -162 -163 -164 -165 -166 -167 -168 -169 -170 -171 -172 -173 -174 -175 -176 -177 -178 -179 -180 -181 -182 -183 -184 -185 -186 -187 -188 -189 -190 -191 -192 -
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros