Os seres humanos contamos cun libro codificado, o xenoma, que se divide en capítulos, os xenes, que recolle toda a nosa información. Estudando este xenoma coñécese qué enfermidades imos a padecer (cancro, doenzas psicolóxicas, morte súbita..). Estas doenzas xurden pola alteración dun cromosoma ou simplemente por unha pequena alteración dun xen. Cando esta información se altera aparece o cancro. A maioría das patoloxías son hereditarias polo que os estudos xenéticos serven para previr e diagnosticar futuras doenzas.

O descubrimento en 1956 do Síndrome de Down revolucionou a xenética e conlevou o gran despegue do seu estudo. “Toda a nosa información está no xenoma humano”, salienta o catedrático en medicina legal, Ángel Carracedo. Unha inxente información que supón unha mínima parte do que ofrece o estudo do xenoma humano. A partir do 2002 o avance neste estudo aliouse coa bioinformática e descubríronse moitas curiosidades. Segundo os occidentais os chinos son moi semellantes pero a realidade é outra, explicou Carracedo. Os chinos diferenciánse máis entre sí que os europeos.

A morte súbita de xóvenes, caso dos deportistas de élite, responde a un problema xenético. Onde está máis avanzada a xenética é no estudo do cancro. Segundo Carracedo a doenza ten un compoñente xenético, sobre todo, o de mama, de ovarios e colon. Os familiares destes enfermos teñen un 50% de probabilidades de sufrir esta patoloxía. Malia todo, o profesor subliña que se coñecen os síntomas das enfermidades pero non a súa causa. O estudo do xenoma evoluciona día a día na procura de novos descubrimentos.