ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Espérase unha época dura para o pequeno comercio, asegura Ramón Dominguez da Asociación de comerciantes O Cruceiro de Fene. Xa se empeza a notar menos xente nas rúas, nos comercios e nas tendas. Dominguez indica que o peor que lle pode pasar aos comerciantes é a incertidume. Somentes o sector da alimentación e as farmacias continuan coas vendas a pesar do coronavirus.
O comerciante de Fene expresa a súa confianza no persoal sanitario e científico que toma as decisións. De todos os xeitos expresa as súas dúbidas: “Se isto segue así, quizais fose mellor pechar todo o comercio e todas as actividades durante quince dias para frear a expansión da doenza”.
O Concello de Fene paralizou de momento a organización do Encontro de Palilleiras previsto en principio para o sábado 25 de abril. Xa estaba posta en marcha a maquinaria organizativa, pero houbo que parar diante da suspensión de actividades a raíz do coronavirus.
Valoración positiva do outlet
A concelleira de Promoción Económica Ana Basoa amosouse moi satisfeita do resultado do Outlet celebrado o pasado sábado en Fene. O ente municipal adquiriu para o evento 15 haimas e 15 mesas con fundas. “O material poderase utilizar para outras citas e con dúas datas xa sae máis económico que optar polo aluguer".
“Chegamos polos pelos,xa que se o outlet se planificara para unha semana máis tarde xa non poderíamos organizalo” manifestou Ramón Dominguez, da asociación de comerciantes O Cruceiro quen se amosou moi satisfeito polo nivel de vendas logrado: “O día axudou, visitaron Fene moitas persoas de fora e o resultado foi o mellor de todos os outlet celebrados ata o momento” concluíu o representante da entidade.
Publica o teu comentario agora