Que ten que ver unha serie de espada e aventuras ambientada no século XVII español co Tocho Cheli? Pois resulta que sobre a analoxía entre a familia pobre dos cabalos e os vehículos a motor de dúas rodas sostense o cameo do episodio desta noite, no que o campión de motociclismo Jorge Lorenzo actúa interpretando a un piloto de época que non tiña rival nas carreiras de burros. Contra el competirá o escudeiro de Águila Roja en singular duelo que á televisión pública lle vale tamén para lembrar sibilinamente que ten os dereitos do mundial de motociclismo ao que pouco lle falta para principiar. As carreiras de velocidade previas ao motor de explosión animan o capítulo que se emite ás dez e cuarto en Televisión Española.