ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Protagonizarán unha sesión de contacontos na biblioteca municipal “ Pérez Parallé”, como complemento da programación organizada pola Concellería de Cultura para as vindeiras festas do antroido. A actividade desenvolverase o luns día 15, a partir das doce do mediodía. Para o martes de antroido anúnciase un obradoiro de maquillaxe ou de disfraces para nenos e nenas.
“Hai máis de doce anos que moitas escolas e bibliotecas de Galicia, receben periodicamente a visita dunha familia de ratos: os Ratoncio de Lonxedetodo. O profesorado e o persoal bibliotecario permítenlles estas visitas ao comprobaren que non son bechos perigosos para a saúde humana (teñen bos hábitos de hixiene) nin para os libros xa que, ao contrario doutros ratos, estes non os rilan, lenos".
“Os ratos de biblioteca” é unha aposta da compañía coruñesa Trinke Trinke, unha actividade de animación coa que se pretende fomentar a lectura entre os máis pequenos. Hai que ter en conta que estes animaliños "son inofensivos e que, o que máis desexan no mundo, amais de ler e incluso antes ca un queixo holandés, é ser amigos dos nenos e contaxiarlles o seu gusto pola lectura".
Coincidindo coas vacacións escolares, todas as actividades da biblioteca durante a semana do antroido realizaranse en horario de mañá. A sesión de contacontos prevista para o luns, o mesmo que o obradoiro de maquillaxe ou disfraces do martes, comezarán ás doce do mediodía. A maiores, o persoal da biblioteca disfrazarase eses dous días de distintos persoaxes sacados da literatura infantil. Os usuarios e usuarias que adiviñen a súa identidade poderán optar a distintos premios.