O titular da Xunta aproveitou tamén para cuantificar a calidade do servizo: 7 millóns de chamadas ao 061 nestes 15 anos; 11 ambulancias medicalizadas e 101 ambulancias asistenciais da rede de transporte; 2,5 millóns de pacientes atendidos, 7.500 a través de helicópteros medicalizados; 4.500 infartos agudos de miocardio e 4.000 paradas cardíacas atendidas;  e 47.000 alumnos en instruídos en 1.800 cursos de formación.

Feijóo afirmou que para a Xunta o paciente é o centro e o propietario do sistema de saúde, e destacou que, malia a complicada situación actual dos servizos públicos por mor da crise económica, estas dificultades deben servir de estímulo para intensificar o traballo e buscar fórmulas innovadoras para afrontar, entre outras cuestións, a construción de centros sanitarios públicos.