ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
“Fas máis falta que nunca. Afiliáte á Mesa". Baixo este lema a Mesa pola Normalización Lingüística arrinca unha campaña na comarca de Ferrolterra para incrementar a súa base social. No contexto tan crítico polo que atravesa a lingua galega resulta necesario que, a xente que quere o noso idioma, se comprometa e aporte o seu gran de area sumándose a nosa asociación, sinalou esta mañá en Ferrol, o vicepresidente
Desde a Mesa pola Normalización Lingüística, anímase aos veciños e veciñas de Ferrolterra a sumarse á entidade que, o vindeiro ano, cumpre 25 anos. Unha longa traxectoria contrastada en defensa do idioma galego na que acadou grandes éxitos para a nosa lingua en diferentes ámbitos da nosa sociedade. Francisco Rei pon como exemplo empresas como Fenosa ou Telefónica que agora facturan na lingua do país grazas ao esforzo da asociación.
A mesa é a asociación cultural de Galicia con máis socios, arredor duns 4 mil. Na comarca de Ferrolterra tamén contan cunha porcentaxe importante de afiliados tendo en conta que é unha zona onde a lingua galega ten menos incidencia que noutras, segundo Rei.
“Cómpre a concienciación da sociedade para que nosa lingua teña futuro e cumpra milleiros de primaveras. O galego non pode desaparecer”, sentenciou.