ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello celebra o sábado 27 de abril a "Xuntanza de Palilleiras e outras labores tradicionais". Centos de palilleiras chegadas de toda Galicia amosarán a súa técnica e traballo no pavillón de San Valentín durante todo o día.
O Concello de Fene, a través da Concellería de Promoción Económica, organiza este sábado, 27 de abril, a tradicional Xuntanza de Palilleiras e outras labores tradicionais. A día de hoxe, máis de 400 palilleiras de diferentes localidades da xeografía galega teñen confirmada a súa asistencia á cita, que dará comezo ás 10,30 horas coa apertura do pavillón da Xunqueira, en San Valentín, e a recepción ás participantes. A inauguración da xuntanza está prevista para as 11,30 horas e, a partir dese momento, o público asistente poderá comprobar a depurada técnica e traballo de palilleiras de todas as idades. Así mesmo, o pavillón acollerá uns 30 postos de venda de artesanía.
O programa da xuntanza inclúe outras actividades complementarias, como a actuación das escolas de Airiños de Fene ás 12,30 horas, ou o sorteo de agasallos ás 18 horas. O encontro desenvolverase en horario de mañá ata as 14 horas e de tarde, de 16 a 19 horas, e convertirá a Fene en capital galega dos bolillos.
A cita está organizada pola Concellería de Promoción Económica de Fene e nela colaboran a Asociación de Veciños San Xurxo de Magalofes, o CPS San Valentín, a Asociación Veciñal de Sillobre, a AVV de Limodre, a ACDR Liga Amigos de Barallobre e a banda de gaitas Airiños de Fene.( na imaxe a impresionante Xuntanza de 2013)
Publica o teu comentario agora