Ordes xa celebrou o pasado martes unha gran festa de entroido para os máis pequenos do municipio. Unha “Tarde de Entroidada” na que participaron centos de nenos e nenas que ataviados cos seus disfraces puideron participar en diferentes obradoiros de máscaras, maquillaxe e globoflexia ademais de disfrutar cos xogos e contos que animaron a tarde.

Aínda que os actos daban comenzo na Alameda, a choiva obrigou a trasladalos ao local cultural da rúa Reconciliación, onde os pequenos presumiron de disfraces e disfrutaron coas actividades organizadas polo Concello.

O concelleiro de Cultura e Deportes, José Ramón Vázquez Raña, mostrou a súa satisfacción polo éxito acadado nesta festa e a alta participación de nenos e nenas do municipio.