Os participantes deberán enviar unha serie de entre seis e doce fotografías en formato 30x40 sen enmarcado. Ademais, non se admitirán imaxes de montaxes nin de manipulación dixital.

O gañador, que o ano pasado se alzou co premio entre máis de 170 propostas, obterá 6.500 euros. Na X edición o gañador foi Amador Lorenzo con  “Tudo isto e fado” e anteriormente tamén conseguiron este galardón Diego Vergés Requejo e Javier Arcenillas.

Este premio da Deputación que alcanza xa a súa XI edición ten por obxectivo fomentar a difusión das artes da imaxe ao tempo que honra a memoria dun personaxe tan representativo e relevante neste ámbito como foi Luís Ksado.