Hoxe mesmo abríase o prazo de inscrición na iniciativa para o que hai que anotarse, ben no Centro Municipal de Servizos Sociais de Fene ben en AFAL Ferrolterra. A concelleira fenesa de Benestar explicou que se celebrarán dúas sesións semanais, os martes e os xoves, de 18 a 20 horas, no Centro Sociocomunitario de Perlío. A intención do Concello de Fene é iniciar os obradoiros a próxima semana.

Precisamente, este espazo convertíase onte á tarde en escenario do curso “Coidar ao Coidador”, dirixido ás familias e froito da colaboración entre Concello, municipio solidario co alzheimer, e AFAL. No mesmo, o alcalde, Gumersindo Galego, e o presidente da asociación, Francisco Pantín, coincidían á hora de sinalar que cos talleres que se levarán a cabo en Fene contribuirase a lograr o obxectivo compartido de mellorar a calidade de vida das persoas afectadas e o necesario respiro familiar dos seus coidadores. (Na imaxe, reunión celebrada no concello de Fene entre os responsables municipais e de AFAL)