As administracións públicas deben procurar o acceso de todos os nenos e nenas a este tipo de actividades durante o curso pero tamén no verán, declara Carbonell. “Unhas tarefas, máis lúdicas, expresivas e deportivas que as da escola, que contribúen á reeducación integral do neno a nivel de desenrolo motor, sensorial e cognitivo”. Estas actividades tamén contribúen á conciliación laboral e familiar pero sempre que gocen de calidade e non se covertan nun mero aparcadoiro de nenos, subliña o sociólogo. 

Analizando a actitude e comportamento da infancia actual, Carbonell albisca unha contradicción. Por unha banda, os cativos son adultos antes do debido, grazas ao acceso á información en idades temperás. Por outro lado, o alongamento da escolaridade obrigatoria redunda nunha maior protección. O estudoso advirte da excesiva presión á que está sometida a infancia. “A sociedade vai moi rápido e prodúcense cambios constantes. Este xeito de vida acelerada repercute nos menores pois requiren de tempos máis tranquilos” argumentou. 

Coa chegada das novas tecnoloxías estáse a producir tamén un cambio na súa socialización. Resulta positiva no senso de compartir e intercambiar experiencias pero xurde a necesidade de regular a adicción do uso de redes sociais, internet ou videoxogos. Un exceso destas prácticas empobrece as relacións presenciais, asegura o sociólogo e engade que, “O que se gana por un terreo se perde por outro e cómpre regulalo desde o punto de vista educativo e familiar.