ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A autovía AG-64 entre as localidades de Ferrol e Vilalba manterá un carril pechado de forma permanente de cada unha das calzadas no treito comprendido entre o punto quilométrico 35,7 e 36,6., segundo informou a Consellería de Medio Ambiente, Territorio e Infraestruturas. O corte prolongarase por un período de catro meses, é dicir, ata mediados do mes de decembro.
A razón do corte estriba nas obras de emerxencia e impermeabilización dos noiros de desmonte da Mourela, no Concello das Pontes, que está a realizar a citada Consellería. Esta obra lévase a cabo para evitar que as augas de chuvia laven as terras dos noiros e provoquen a dilución de minerais constitutivos, situación que provocaría unha variación do ph das augas e da súa acidez. O importe desta actuación na autovía AG-64 supera os 5 millóns de euros.
Cómpre sinalar que estes peches súmanse aos que desde o pasado mes de xullo se están a producir esporadicamente noutros puntos ao longo de 8 quilómetros desta vía de alta capacidade, xa que no tramo As Pontes-Cabreiros véñense producindo cortes de forma aleatoria por causa dunhas obras de emerxencia de impermeabilización de noiros de recheo. O presuposto que manexa o departamento que dirixe Agustín Hernández para estas obras ascende a case 6 millóns de euros.