A noticia causou tristeza entre os xogadores e directivos do equipo do Ramo, dado que todos se levan ben co adestrador, ademáis de valorar a súa cualificación humana e técnica. Fontes da directiva do Barallobre aseguraron a Radiofusión que nun par de meses comezarán a buscar adestrador para a vindeira campaña. Agardan contar coa maioria dos xogadores, salvo Juan Enrique Chompi, que adiantou o seu desexo de retirarse. Vai ser pai, e as obrigas familiares impediránlle cumprir con partidos e adestramentos.

A S.D. Barallobre agarda que continue o bó tempo e iso permita recuperar o estado do campo do Ramo, moi deteriorado tras as choivas caidas nas últimas semanas. Esas condicións impediron desenvolver con normalidade os adestramentos.