ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Deputación completa as expropiacións para a construción dunha senda peonil na estrada de Ares a Redes e cita aos propietarios dos terreos afectados os día 24 e 25 de novembro no pavillón municipal para o pago dos depósitos previos. As obras suporán un importante investimento de 624.100 euros para a construción da senda peonil de tres quilómetros.
O Boletín Oficial da Provincia publica hoxe o anuncio do pago dos depósitos previos correspondentes ás expropiacións dos 2.215 metros cadrados de terreos necesarios para acometer a construción dunha senda peonil na estrada DP 0401 de Ares a Redes.
A Deputación da Coruña destina 30.849,52 euros euros a estas expropiacións, que se suman ao orzamento 624.100 euros cos que contan as obras, co que o investimento total rondará os 655.000 euros. Os veciños e veciñas propietarios dos terreos están citados os días 24 e 25 de novembro, entre as 16.00 e as 18.30 horas, no pavillón municipal de Ares. Para garantir a seguridade e evitar concentracións, cítase á veciñanza en distintos días e tramos horarios, segundo a orde alfabética dos apelidos dos titulares das fincas.
Mellora da seguridade peonil
As obras suporán unha notable mellora da seguridade peonil, xa que a vía actual carece de arcéns, a pesar de tratarse dunha zona moi transitada polos caminantes, especialmente nos meses de verán, xa que da acceso ao núcleo de Redes e a praias coma as de O Raso ou Seselle. Os traballos suporán a construción dunha senda de dous metros de ancho e tres quilómetros de lonxitude, que discorrerá pola marxe dereita da calzada.
Publica o teu comentario agora