Fraga non sentiu directamente a chamada do pai de Cthulhu, mestre do horror cósmico, senón que foi Robert E. Howard quen o conduciu a Lovecraft. Mais tamén o puxo sobre a pista, “como lle pasou a moitos outros rapaces”, Agustín Fernández Paz. “Aire negro” ou “Cartas de inverno” tiñan, explica o escritor, “un marcado pouso lovecraftiano”.

Urco Editora, que convocou o Premio Antón Risco canda varias entidades, publicará proximamente “Querido H.P.L.”. Antonio Fraga celebra o nacemento deste galardón para a literatura fantástica que, “coa tradición tanto na literatura como na propia tradición oral que hai no tema da fantasía aquí en Galicia, era moi necesario”.