O festival volta a lugares xa coñecidos e explora outros ámbitos do noso patrimonio histórico, exemplos de arquitectura civil e relixiosa ou defensiva, como as Torres de Mens, en Malpica de Bergantiños, o Arsenal de Ferrol, Santa Mariña de Xinzo de Limia, San Clodio de Leiro, o Mosteiro de Herbón ou a Ferrería de Seoane, en Folgoso do Courel, Sta. María do Campo de Ribadeo ou o Pazo de San Isidro, en Mondoñedo.

Os eixos básicos da programación son a música de cámara, para órgano, a antiga e a vogal, pero tamén buscará o encontro con outras músicas e estilos musicais da man de grupos como Oh! trío, o Quinteto Nuestro Tiempo, as galegas de Murmel, a americana Josephine Foster coa Víctor Herrero Band, e a cantante de fados portuguesa Dona Rosa.

Entre as actividades previstas atópase tamén unha conferencia-visita guiada polo interior do órgano de Iria Flavia, unha tarde no Courel da man de Emilio Cao en homenaxe a Uxío Novoneyra, xunto a un lugar emblemático na vida do escritor, a Ferreiría de Seoane, así como a celebración de dous obradoiros para a construción de instrumentos musicais a partir de xoguetes.