A arquitectura volve á palestra na UDC

A arquitectura volve á palestra na UDC

21 de Novembro, 2013 - 12:00 h. | Publicada por Radio Sada

O Salón de Actos da Escola Técnica Superior de Arquitectura da UDC acollerá mañá venres, 22 de novembro, a partir das 11:00 horas, dúas novas conferencias no marco do ciclo Proxecto+Investigación 3, que se está a desenvolver nesta escola centrado en achegar os procesos de ideación e a análise das obras de dous dos arquitectos do século XX referentes no uso do método esencial: Luis Barragán e Alejandro de la Sota

Tras a presentación dos relatores, a xornada de mañá contará coa participación da arquitecta María Carreiro Otero, que analizará a partir das 11:30 horas os proxectos da Casa-Estudio de Tacubaya, de Barragán, e a Casa Arvesú, de De la Sota.

A continuación, a partir das 13:00 horas, o arquitecto Pedro de Llano disertará sobre o debuxo como ferramenta no proceso creativo de Alejandro de la Sota. A xornada rematará cun coloquio moderado por Paula Fernández-Gago.

Sociedade
  • 280 lecturas