Manuel González describe a iniciativa nun artigo do último número de Tempos Novos. Para o profesor, o problema fundamental do ensino na actualidade é a "emerxencia de novos xeitos de socialización e comprensión da realidade que viven mozos e mozas que agromaron no tempo de Internet". Moi a miudo o profesorado revela incapacidade para "interpretar o porqué das súas condutas, valores e actitudes".

A partir desa analise, González deseñou un programa de Cultura Audiovisual (materia obrigatoria no Bacherelato de Artes) baseado unicamente en prácticas dinámicas. Un dos traballos -realizado por alumnos e alumnas co seu teléfono móbil- consistiu na realización de videoclips e historias líbres a partires de cancións de grupos musicais de Ferrol. Conclue o profesor citando a Agustín Fernández Paz_ "Co traballo dende as aulas podemos cambiar o mundo".