Como cada primavera a praia de Riazor está en obras para reparar os danos causados polos sucesivos temporais e repoñer a area que leva o mar. Con esta situación de provisionalidade  toparonse os primeiros bañistas da temporada esta fin de semana, coa praia do Orzán pechada a cal e canto por estar a maquinaria removendo na area, mentras que Riazor presentaba unha longa cordilleira de area sobre a que se colocaron as toallas.
No medio deste panorama, no cume do montículo un gran castelo reivindicativo acompañado do lema "Os castelos de area lévaos o mar" en alusión ao proxecto do Ministerio de Fomento de gañar aínda máis terreo ao mar unindo os tres areais, Riazor,Orzán e O Matadeiro,sorteando o rompeolas, coa intención de que quede finalmente unha única praia.
A idea é valente pero a cidadanía, cos pés na terra, teme que demasiado arriscada, non en van cada inverno o océano invade o que lle foi roubado noutrora e se cobra area, e tantas veces o petril de pedra do paseo. En fin, gardemos as toallas, que sigan as reformas, porque o luns baixan as temperaturas de novo -17º de máxima na Coruña- e os ceos traen nubes.