Aumenta o número de pensións en Galicia

Aumenta o número de pensións en Galicia

22 de Agosto, 2013 - 12:00 h. | Publicada por Radio Fene

O número de pensións en Galicia situouse en agosto en 739.830, o que representa un incremento do 0,9% con respecto ao mesmo mes do ano anterior, segundo datos do Instituto Nacional da Seguridade Social (INSS) do Ministerio de Emprego e Seguridade Social. A pensión media na Comunidade Autónoma é de 721,78 euros, cun medre do 3,4% en relación co mes de agosto de 2012. A cifra total de pensións en España elévase a 9.087.402.

A pensión media situase en galicia nos 721,78 euros e nos 858,11 en España.

España

O número de pensións contributivas rexistrou en agosto un total de 9.087.402, o que equivale a un incremento interanual do 1,7%. Máis da metade destas prestacións son por xubilación, 5.468.008; 2.338.437 corresponden a viuvez; 935.113 a incapacidade permanente; 308.173 a orfandade e 37.671 a favor de familiares.

A nómina mensual de pensións contributivas da Seguridade Social alcanzou o pasado 1 de agosto os 7.797.988 millóns de euros, un 5% máis que no mesmo mes de 2012, segundo a estatística facilitada hoxe polo organismo público.

A pensión media de xubilación alcanzou os 981,92 euros, un 3,5% máis  respecto ao mesmo período do pasado ano. En canto á pensión media do Sistema, que comprende as distintas clases de pensión (xubilación, incapacidade permanente, viuvez, orfandade e a favor de familiares), situouse en 858,11 euros ao mes, o que supón un aumento interanual do 3,2%.

A Seguridade Social fai pública cada mes esta estatística co obxectivo de ofrecer á cidadáns información precisa sobre a evolución do número e custo das pensións do Sistema.

Sociedade
  • 50 lecturas