Os irmáns Paul e Phil Hartnoll, máis coñecidos como Orbital, encabezan o cartel do festival. O dúo británico pechará o domingo esta cita que se comezou a xestar hai tres anos e que nace coa fin de ter continuidade, explicou esta mañá en Radiofusión o director do festival, Joaquín Martínez.

No apartado musical arrinca o xoves coa banda catalana, Standstill co seu espectáculo audiovisual “Room” no Teatro Caixanova. Tras este acto inaugural a programación trasládase ao porto de transatlánticos. O venres 9, no Escenario Xacobeo estarán Devendra Banhart, The XX, Love of Lesbian e Miike Snow, mentras que no Escenario Heineken pasarán Triángulo de Amor Bizarro, Jeff Tweedy (líder de Wilco), Fanfarlo e Os Mutantes.

O Escenario Xacobeo acolle o sábado os concertos de Eladio y los Seres Queridos, The Morning Benders e Caino (Arkestra) & Zinqin Visuals. No outro escenario Heineken actuarán Polock, The Divine Comedy, Delafé y las Flores Azules e Fisherspooner.

Coa iniciativa Vasos Comunicantes, coordenada polo artista galego afincado en Londres Isaac Cordal, encheranse espazos significativos da cidade olívica con diferentes traballos de arte, ciencia e tecnoloxía. Unha serie de propostas de “Performances”, “mapping”, “street art” ou instalacións multimedia para transformar os espazos urbanos, indicou Martínez.

Páxina oficial do festival www.vigotransforma.com