Segundo explicou a Radiofusión Xosé Seco, na definición do itinerario a seguir "evitáronse as zonas con grandes pendentes ou desniveis, para favorecer a participación dos nenos". Neste senso, engadiu, "a rota desenvolverase fundamentalmente por zona urbana".

Comezará na Praza do Concello, pasando pola Avenida Naturais e Conces e baixando logo cara San Valentín polo camiño do Regueiro. Despois de facer un percorrido polo barrio, os participantes iniciarán o camiño de volta por Tellerías e as rúas Cruceiro e Hortelá. O último treito desenvolverase por Marqués de Figueroa, Avenida do Tarrío e rúa da Fraga. Dende este punto, os participantes baixarán de novo cara Marqués de Figueroa e voltarán cara a Praza do Concello pola Avenida Naturais.

Axentes da Policía Local e membros de Protección Civil do Concello velarán o domingo pola seguridade dos ciclistas. Como único requisito para participar na marcha, Xosé Seco lembrou que "o uso do casco será obrigatorio".