ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Contra a reestructuración da oferta educativa no Ensino Secundario e a Formación Profesional, o BNG de Ferrol presentou esta mañá unha moción para a retirada do decreto da Xunta de Galicia. A formación nacionalista denuncia tamén os agrupamentos e a reducción de prazas de Educación Infantil e primaria, que afectan especialmente a nosa comarca, subliñan.
O grupo municipal do Bloque Nacionalista de Ferrol demandan do concello que se posicionen a favor das súas reivindicacións. Pedirán ao pleno da corporación que reclamen da Consellaría de Educación unha rectificación nin máis ataques contra o ensino público.
A moción presentarase en todos os concellos da comarca e se debaterá no mes de xullo, sinalou o membro da executiva comarcal, Manuel Rodríguez Doval. “Non quixemos agardar á constitución das corporacións para que non morra o tema e se poida recuperar o debate en setembro”, explicou.
Segundo a vice-reponsable comarcal, Mercedes Tobío, o decreto é un ataque en toda regra contra os piares básicos da nosa sociedade. En tempos de crise hai que facer recurtes pero nunca no ensino público, precisou.
A reforma do ensino era necesaria pero facéndoo en tempo e formas correctas, engadiu a voceira nacionalista. “Non houbo diálogo coas comunidades educativas e saltáronse as regras propias da consellaría. O único obxectivo da Xunta é facer unha reconversión sen dar tempo á contestación social polas datas nas que se comunica”, manifestou.