A Consellería do Mar participará neste evento cun stand de 320 m2. O obxectivo do departamento dirixido por Rosa Quintana é promocionar os productos frescos e transformados do sector pesqueiro galego no mercado italiano así como potenciar a imaxe nacional e internacional do noso sector marítimo neste evento internacional.  

O posto da Xunta de Galicia contará con coexpositores de 17 empresas diferentes, relacionadas co mundo do mar e dos conxelados. A “Mediterranean Seafood” destaca  pola súa especialización en tecnoloxía e produtos da pesca do Mediterráneo e polo seu interese en sectores coma o da acuicultura, tanto marítima coma terrestre.