“A Contracorriente”, o sexto disco de David Bustamante saiu á venda a comezos do pasado mes de marzo. O CD, gravado en Miami, presentouse en vivo nunha completa xira iniciada xa nas pasadas semanas. Cancións como “Abrázame muy fuerte” soarán tamén no concerto de Bustamante, o domingo 18 de xullo dentro das Festas do Carme nas Pontes. Tamén Chenoa participará nos festexos de xullo na vila pontesa o sábado 17 de xullo presentando o seu último traballo Desafiando la gravedad.

O xornal La Voz de Galicia anunciou na súa edición de hoxe as datas dos concertos nas Pontes de Chenoa e Bustamante. A reacción non se fixo esperar a través da rede e nomeadamente na páxina www.amigus.org, onde abundan os comentarios críticos por ese cartel no programa das festas do Carme. 

“Queremos que Boney M actue en las fiestas del Carmen 2010” é o nome dun grupo de amigos formado no Facebook. Reuniu máis de 250 amigos en poucos dias pero semella que a iniciativa tivo escaso eco ata o momento entre os organizadores dos festexos, o Concello da localidade. As Pontes gábase na páxina web do Concello que é a única vila galega do interior que honra á Virxe do Carme nas súas festas patronais, que todos os anos remata o 24 e 25 de xullo coa romería da Fraga.