A familia Díaz Corral vivía no Camiño de Cornido, na parroquia do Couto, e entre os anos 1936 e 1954 axudou a numerosas persoas. Na bodega da súa casa construíu un agocho onde se resgardou temporalmente moita xente, en ocasións ata seis persoas, ás que daban acubillo e alimentos. Rudesindo e Benigna tiveron dous fillos, que seguiron axudaron cando seus pais faleceron. A valentía e xenerosidade desta familia terá un merecido recoñecemento. O Concello de Narón e a Asociación Memoria Histórica Democrática organizan o acto público, que dará comezo ás 12 horas e no que se descubrirá unha placa. Asistirán familiares e veciños da familia Díaz Corral e contarase coa implicación de Siro López, pois a súa familia foi unha das protexidas.