ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O paro rexistrado nos Servizos Públicos de Emprego Estatal baixou en 24.741 persoas en maio (o 0,68 por cento) tras catorce meses de subidas consecutivas, co que a cifra total de desempregados situouse en 3.620.139, segundo o Ministerio de Traballo e Inmigración. Desde maio de 2008 o paro incrementouse en 1.266.564 persoas (o 53,81 por cento). O goberno valorou con prudencia estes dados, ainda que salientan que representa un importante cambio de rumbo.
O número de persoas rexistradas nas listas do Inem descendeu en 14 comunidades autónomas, entre elas Galicia, onde se rexistraron 3.144 parados menos, o que supón un descenso do 1,49). A comunidade rexistrou o pasado mes 3.144 parados. Por provincias, todas as galegas rexistraron saldo negativo: a cifra de parados na Coruña caeu un 0,62%, con 83.704 desempregados (525 menos); en Lugo, o paro caeu un 3,07%, ata 18.922 (599 menos); en Ourense un 1%, con 23.708 desempregados (239 menos); e en Pontevedra, un 2,15%, con 81184 desempregados (1.781 menos).
En términos interanuais, o paro feminino acumula unha subida de 464.716 mulleres ( 34,8%) e o masculino, de 801.848 desempregados ( 78,6%). En total, o número de mulleres en paro situouse ao finalizar maio en 1.798.532 e o de homes en 1.821.607.
Tamén se rexistraron descensos do paro en todos os sectores económicos menos no colectivo sen emprego anterior, onde subiu en 9.626 persoas ( 4%). A maior redución do desemprego experimentouna a construción, o sector que máis parados fabricou durante os primeiros meses da crise.
En concreto, o 'ladrillo' recortou o seu número de desempregados en 15.905 persoas en mayo (-2,1%), seguido dos servizos, con 13.329 parados menos (-0,64%), a industria, que perdeu 2.681 parados (-0,54%), e a agricultura, onde o desemprego caeu en 2.452 persoas (-2,57%).
"Somos conscientes de que aínda non podemos interpretar estes datos como a superación da difícil conxuntura que estamos atravesando, pero hai signos de que, tras un forte axuste en términos de emprego, estase freando a súa destrución", subliñou a secretaria xeral de Emprego Maravillas Rojo.