Productos de cosmética, do fogar, mantelería e todo tipo de obxectos decorativos sortéanse nos cafés benéficos que, con certa frecuencia –dúas ou tres veces ao ano-, se organizan en Maniños. E sempre cunha finalidade. Desta vez os organizadores decidiron adicar os cartos que se recauden no sorteo de agasallos ao amaño do retablo da capela de San Pedro porque, segundo un dos promotores da iniciativa, Manuel Castro, “está bastante deteriorado”.         

O café benéfico comezará ás catro e media do serán, no salón parroquial da igrexa nova, e prolongaráse ate as sete aproximadamente. Nese tempo, as persoas que acudan poderán conversar, tomando relaxadamente un café ou refresco, pero ademais, se mercan rifas, poderán optar a calquera dos máis de oitenta agasallos que se van repartir e que foron doados  por particulares e establecementos comerciais.