O proxecto Esmelle lanza neste outono a iniciativa Café con leito. Ofrecen hospedaxe nun dos 3 aloxamentos rurais que funcionan na zona ao prezo de 50 euros. Se se opta polo café con leito máis unha das actividades haberá que abonar 100 €. Neste caso ofrécense aos visitantes unha bicicleta en aluguer e ruta guiada durante 3 horas (Roda en Esmelle), unha ruta de sendeirismo (Camiña en Esmelle) e unha terceira proposta que inclue observación ornitolóxica e contemplación das estrelas (Observa en Esmelle).