ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Tomamos café esta mañá no club de lectura de Radio Fene Radiofusión con Anabel Alonso López, pontesa do 68, licenciada en Filoloxía Hispánica pola USC e bibliotecaria do concello de As Pontes. Publica “Café só” na editorial Morgante.
"Café só" é un libro de relatos no que a muller é protagonista. Moitas mulleres que son unha. Teñen en común que están soas e tamén ese regustiño tráxico pero cotiá que rodea as súas historias. Segundo a autora, “todas teñen esperanza. Son valentes e fortes”. De primeiras eran relatos independentes que non naceran con vontade de ser un libro. Pero a verdade é que teñen puntos en común e “o microrrelato elixido para abrir Café só, dá o ton necesario para que acabe sendo circular” explica Anabel Alonso, para quen escribir relatos é unha “arroutada” e unha necesidade. Os incluídos neste libro naceron dun obradoiro de escrita na biblioteca onde traballa a autora que non concibe a vida sen humor aínda que afirma “a literatura é outra cousa”.
Vaia por diante esta frase recollida da realidade pola autora, no relato titulado A Catedral: “Señor, devólvolle este ollo que lle caeu no sostén, coido que é seu”.
Conversaron coa autora no club de lectura; Esther Val, Andrés CM Riveira e Henrique Sanfiz.
Publica o teu comentario agora