Entre os obxectivos de deCÁTAte, ademais da formación, porase en relieve a calidade dos produtos galegos e o esforzo que leva aparellada a súa produción. Segundo explicou en Radiofusión, o técnico da rede, Modesto López, “no Ano Internacional da biodiversidade, hai que facer fincapé que moitos productos non terían esta calidade senón se deran nun ecosistema determinado e propio do nosos clima”.

Durante estas xornadas, que se prolongarán ata o 12 de novembro, os expertos explicarán o proceso de elaboración de cada alimento desde que se produce polo animal ata que os mercamos nos supermercados e ultramarinos. Ensinaranse as diferenzas de calidade, compoñentes e contidos dos produtos.

Estas actividades son gratuítas, agás a cata de viño, que terá un custe de 50 euros as tres sesións. Todas as actividades teñen prazas limitadas ata 25 persoas. Para inscribirse, hai que contactar con cada centro sociocultural de Santiago onde teñen lugar as catas.

Unha primeira edición que terá continuidade no futuro, asegurou Modesto López, “repetiremos productos e tentaremos incorporar outros novos”.