O xardín Luís Seoane de Perlío inaugurouse o 10 de xuño de 1984. A actuación formaba parte dun plan de xardíns onde se incluíron o do Camiñante Descoñecido de Barallobre e o Blanco Amor de Magalofes. Proxectábanse tamén en San Valentín, no Pazo de Barallobre e na Praza do Concello. Indicábase daquela que o casco urbano de Fene carecía de zonas verdes. No acto de inauguración actuaron de xeito conxunto grupos de baile da Liga de Amigos de Barallobre, CPS de San Valentín, Círculo de Fene, Pombas Brancas de Maniños, Asociación Veciñal de Magalofes e Círculo de Perlío. Asistiron membros da Corporación e representantes das sociedades do Concello.

(Na fotografía, os concelleiros César Martínez Yáñez e Xoan Sendón e o aparellador Mario Laxe, entre outros asistentes ao acto)