Poesía, fotografía, danza, musica e pintura mural. Son os ingredentes da terceira cita coas Meninas de Canido- Ferrol- este sabado dia 4 de setembro. As voces poéticas máis novas do país, como María Lado, Leo Arremecajona ou Yolanda Castaño, ou a música de Silvia Penide, Antón Varela, Os Xotas ou dos Fabulosos cubatas, encherán de son o barrio ferrolán na noite do sabado.

Unha sorpresa daránnos os bailaríns, Eva Faraldo e Xesús Quiroga, que preparan un espectáculo de danza adicado ao motivo da festa, ás meninas. Para sorpresa tamén a presencia de Moncho Borrajo que se descubre como pintor e que xa ten preparado o borrador da sua aportación á galería de meninas distribuiidas polas ruas de Canido, segundo nos desvela un dos organizadores, o pintor Eduardo Hermida.

Uns 40 pintores e pintoras acudirán este ano á cita coas meninas. O material que utilizarán para plasmar as suas obras nas paredes do barrio, apórtao o concello de Ferrol. Para sufragar os gastos ubicarase na zona 0 unha barra para servir bebidas. Pero os gastos son menores do que podería ser porque o barrio vólcase na orixinal iniciativa, colaborando no que pode, segundo o tamén pintor e organizador da cita, Avelino Castro. Os organizadores maduran a idea de darlle un xiro á festa, en anos posteriores. En orixe, a idea naceu para denunciar o deterioro deste barrio ferrolán.