O Campus Musical inclúe clases individuais, grupos de cámara, acompañamento de piano, concertos e a posibilidade de participar coa Banda Sinfónica da Federación Galega de Bandas de Música Populares. Ao longo da fin de semana existen tres posibilidades para coñecer o traballo destes interpretes. O primeiro no Auditorio de Galicia, escenario que acolle ás oito desta tarde un concerto dos alumnos. A música chegará despois ao casco vello da capital galega con concertos de cámara na praza da San Martín Pinario mañá sábado e no Toural o domingo. O prato forte do programa chegará o domingo co concerto de clausura da Banda do Campus, que se celebrará ás oito no Auditorio de Galicia.