ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Durante a pandemia todos os deportistas viron como a súa forma de vida, ou un complemento indispensable, parou en seco. Falouse moito dos atletas ou do deporte federado, tamén dos ximnasios pero neste colectivo hai un gran esquecido: o deporte adaptado.
Para a presidenta da Asociación Sociocultural ASCM, Paula Gárate, esta “insensibilización” recae no descoñecemento social que se ten acerca deste colectivo. Isto ocorre de forma xeneralizada pero no deporte é de forma continua. Os medios de comunicación esquecen, en moitos casos, que as persoas con diversidade funcional tamén teñen competicións.
Non só falamos de deporte afeccionado, de mantemento ou para a rehabilitación. Falamos de deportistas federados que compiten a nivel nacional ou incluso nos Xogos Parolímpicos. Incluso hai disciplinas que son exclusivas do deporte adaptado como é a boccia.
A disciplina, a constancia ou o esforzo é o mesmo pero non están para nada equiparados con outros atletas. O abanico de deportes e enorme e dentro de cada disciplina hai adaptacións para a necesidade de cada persoa que o queira practicar, aínda así a difusión que teñen é mínima. Son uns descoñecidos.
Moitas das persoas con algunha incapacidade que practicaban deporte antes da pandemia non retomaron o seu deporte. Non foron tratados como os deportistas que a sociedade considera normativos, sobre todo aqueles con discapacidades máis severas.
Eles e elas son os grandes descoñecidos do deporte. De forma inxusta, claro está. Os prexuízos sociais e o descoñecemento son os que, en gran medida, deixan fóra a atletas que, xunto con asociacións como ASCM, levan moito tempo buscando unha vida digna.
Publica o teu comentario agora