Carrero Bianco naceu no barrio ferrolán do Canido. Beben das fontes da música electrónica, pero a misturan tamén co pop e queren trasladar sensacións telúricas aos espectadores. Inspíranse no new wave e no post punk. Presentáronse no programa de actos das Meninas de Canido deste ano, actuaron tamén no Festival da Parrokcheira e como teloneiros de Triángulo de Amor Bizarro e de Tarántula.

Joaquín García Kinxo é membro de Carrero Bianco, e indica que escolleron o nome por razóns de marketing e porque se "trata dunha denominación intensa que resume o espiritu do grupo". O concerto de Carrero Bianco e Todo el largo verano comezará mañá venres ás dez da noite en El Desván, na rúa do Sol de Ferrol.