O nacionalista asegura que os poderes políticos non poden permanecer alleos a unha situación que se está a afectar a milleiros de familias galegas polo que cumpre articular medidas que eviten este desamparo. Neste sentido, o deputado do BNG defenderá o inmediato realoxo das persoas afectadas polos desafiuzamentos en vivendas dignas con réxime de alugueiro social e asequíbel aos seus ingresos e cargas familiares. O parlamentario tamén solicitará que as vivendas teñan unha localización, o máis próxima posible do anterior domicilio.