Máiz fala no libro do castelo como cárcere que foi ata 1981. E como lugar, que non o máis relevante da cidade, de execución e fusilamento dos homes e mulleres tralo golpe de estado de Franco. Dí Iago Seara no prologo do libro “ O granito do castelo é, e está cheo de microfisuras nas que se recolle unha memoria pronta a xurdir, esperanzada”.

Máiz fala de 145 persoas asasinadas, documentadas, en San Felipe, pero o historiador mugardés, calcula que poderían ser uns 60 máis. Comparación, Canido gáñalle por goleada con 300 fusilados só nun ano. A dificultade está na desaparición da documentación que estivo no Castelo e hoxe non se sabe onde está.

Bernardo Máiz destaca a impresión que lle produciu a frialdade coa que tanto se rexistra o fusilamento de 4 presos como o arresto de 15 dias dun soldado. Atopouse con ese feito ao rastrexar os rexistros militares. O Torrente Ballester acolle a presentación do libro, que por certo está dende onte nas librarías. Na portada aparece unha foto: o barco da memoria que visitou Ferrol no 2006, pasando por diante do Castelo de San Felipe. Ás 8 da tarde, Iago Seara, prologuista do libro, asistirá ao acto con Máiz así como os tamén historiadores, Eliseo Fernández e Emilio Grandío.