Catro Camiños pide ao Concello que mellore o alumeado das rúas Pepe Apenela e Domingo Goás

Catro Camiños pide ao Concello que mellore o alumeado das rúas Pepe Apenela e Domingo Goás

13 de Abril, 2009 - 12:00 h. | Publicada por Radio Lugo

A Asociación Catro Camiños de Vilalba denuncia a persistente falta de alumeado nas rúas Pepe Apenela e Domingo Goás. A citada Asociación, tras manter varias conversas co alcalde da Vila, Gerardo Criado, insiste na necesidade de repoñer os farois que se retiraron hai catro anos e dotar da iluminación suficiente a esta zona, moi deficiente nas horas de noite.

Desde Catro Camiños “non se entende que, a día de hoxe, non se efectuase ningunha mellora”, a pesar de que si houbo actuacións na zona, como foi a colocación dun báculo sen luminaria.

Outra das queixas desta organización veciñal vilalbesa é o indispensable arranxo das beirarrúas da vila, principalmente no tocante ás vallas de protección e sinalización que levan meses situadas na rúa As Pontes.

Por todo elo piden que o concello deixe a súa “desidia” e que se vexa unha maior “preocupación” para tentar arranxar aquelas zonas que o precisan dentro do Concello.

Sociedade