ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O portavoz de Betula, César Martínez Yáñez, fálanos desta e outras iniciativas que levan a cabo desde a asociación.
A mañá foi perfecta para o traballo de reforestación promovido pola asociación ecloxista Betula nos montes en man común de Marraxón. O concello de Fene colaborou na acción que protagonizaron os usuarios e usuarias de Aspaneps sempre dispostos ao traballo. Nesta ocasión prantáronse 100 bidueiros e 12 freixos, árbores autóctonas que queren plantarlle cara aos eucaliptos.
Ás dez da mañá estaban xa no Coto do Rei e desde alí seguiron a pe ata o Chao das Pozas, lugar destinatario da prantación. Betula mercou as árbores cunha subvención da Deputación da Coruña e as ferramentas foronlle doadas polo concello de Fene, cuxos representantes presenciaron a acción que non deron rematado hoxe. Mañá membros de Betula concluirán a faena.
Ademais de cos comuneiros de Marraxón, Betula ten convenio e custodia no parque das Fragas do Eume onde propuxo un proxecto para executar a primeiros de decembro, a creación dun xardín botánico de felgos, en colaboración co Parque das Fragas e o Centro Agroforestal de Guísamo.
Publica o teu comentario agora