Meses con gran actividade para comezar o curso escolar, segundo o resumo que fixeron os alumnos e alumnas que se achegaron a Radio Fene para elaborar o programa emitido este venres, día 1 de decembro, ás 9.30 horas. Sumáronse á limpeza de praias de Adega quitando de lixo da praia de San Valentín. Foron ao teatro. Aprenderon como é o ciclo da auga e como se producen as inundacións. Tamén sobre novas tecnoloxías. Festexaron o Samaín. Visitaron a Lonxa da Confraría de Pescadores de Ferrol, no Porto de Curuxeiras. Alí aprenderon “cousas relacionadas co medio mariño e coa pesca”, “coñeceron especies como as esponxas de mar” e avanzaron na concienciación sobre “a necesidade de conservar os nosos mares e a vida que habita neles”. Recibiron información sobre nutrición nunha charla e sobre a lacra da violencia de xénero noutra actividade. E ata fixeron unha andaina contra a violencia de xénero para conmemorar o 25N.