O campeonato terá dúas ausencias significativas para o deporte, unha a da subcampiona de europa, Sara Álvarez e a do medalla de bronce do último mundial, Alex Sanmartín, que están ámbolos dous mancados. Tampouco acudirá á competición do domingo a integrante da selección galega de cadetes, a ferrolá Sofía Alonso, que nestes momentos está apartada dos entrenamentos por motivos persoais.

O calendario da competición dará comenzo ás doce da mañá coa pesada dos participantes para ás catro e media da tarde disputar as eliminatorias e repescas. Ás sete da tarde celebraránse as probas finais para rematar coaa entrega de trofeos.

A competición abarca aos deportistas nados a partir de 1993 e ata despois do ano 1988. O grado mínimo que se esixe é de cinto marrón e o sistema de competición é de eliminatoria directa con repesca dobre cruzada, é dicir, só ten a clasificacion asegurada o campeón de cada grupo. O resto dos clasificados optan logo á repesca dos técnicos da Federación Galega.

O seleccionador galego de cadetes, Alberto Castro, confia en que a representación da comarca neste campeonato deixe o listón ben alto, aínda que as posibilidades de acadar algunha medalla son difíciles, xa que son todos moi novos e para a maioría ésta é a súa primeira competición.