Por outra banda, o sindicato ferroviario destaca que, tal e como reclamara ante a compañía, Renfe incrementou o persoal de interventores en Galicia, incorporando a seis novos traballadores, o que supón que todos os trens de Galicia irán con persoal de atención ao viaxeiro a bordo. Desta maneira cúmprese unha das súas reivindicacións, que trataba de garantir maior calidade e tamén reducir a fraude, que se disparou neste último cuadrimestre pola falta de revisores en moitos trens.