A CIG demanda a readmisión dos despedidos en ASFEDRO

A CIG demanda a readmisión dos despedidos en ASFEDRO

09 de Xaneiro, 2012 - 12:00 h. | Publicada por Radio Fene

A CIG esixe a readmisión dos traballadores despedidos en ASFEDRO- Ferrol- profesionais que levan ata 25 anos de experiencia e que foron relegados ao ostracismo ata finalmente ser despedidos. Esta mañán iniciáronse as concentracións programadas, en Caranza diante da sede de Asfedro. O martes dia 10 repetirase no mesmo lugar, ás 11,30 da mañán. O mércores ás 9 da mañán reproducirase diante do Xulgado de Ferrol.

A CIG defende o traballo realizado dende ASFEDRO ao longo de tantos anos pero quere que se obrigue á Xunta Directiva a correxir a sua actuación nos últimos tempos. Afirma o sindicatio nacionalista que “ A Xunta Directiva de Asfedro, en vez de valorar a valía dos profesionais e primar a atención aos usuarios e usuarias, parapetóuse detrás dos recortes presupostarios para argumentar os despedimentos”. Pidelle á Directiva e aos socios e socias , “unha análise da situación, polo bo funcionamento dunha Asociación á que tanto lle debemos nesta bisbarra”.

Sociedade
  • 62 lecturas